Pas gati tre ditë përpjekjesh intensive, zjarrfikësit kanë mundur të gjejnë trupin e Arjan Salës, shefui 32 vjecar i rojeve të sigurisë të qendrës tregtare Casa Italia, i cili mbeti i bllokuar pas zjarrit që ran ë një magazinë të saj. Edhe më tragjik e bën situatën fakti që 32 vjecari kishte qenë jashtë kur kanë shpërthyer flakët, por është futur në ndërtesë për të shpëtuar sipas familjarëve, rreth 20 punonjës të tjerë. Ai ka tentuar të shuajë zjarrin, por fatkeqësisht nuk ka mundur të dalë më prej andej. Sala kishte mbetur prapa një dere të kycur, pasi është asfiksuar në përpjekje për ta hapur. Shefi i sigurisë u gjet rreth orës 3 pas mesnate. Mësohet se trupi ka djegie por nuk është dëmtuar në strukturën e tij. të afërmit prisnin prej tre ditësh lajme të Arjanin, babi i një fëmije tre vjec dhe fakti që nuk po gjendej as trupi, i coi në dëshpërim. Ata u përfshinë dhe në debate të forta me ekipet e shpëtimit, që nuk arrinin dot të hynin dot brenda magazines, ku vazhdonte tymi toksik prej materialeve që digjeshin. Pasditen e së premtes, njëri prej familjarëve nguli këmbë të hynte vetë brenda për të kontrolluar për trupin e njeriut të dashur dhe u perplas me zjarrfikësit. Në operacionin për shuarjen e flakëve ishin angazguar të gjitha forcat zjarrfikëse të Bashkisë së Tiranës, nga Kamza, të Ushtrisë si edhe operacionet e kërkim shpëtimit të minierave.