Ministria ruse e mbrojtjes tha të shtunën se forcat e saj të mbrojtjes ajrore kishin rrëzuar tre avionë ushtarakë ukrainas. Ushtria ruse rrëzoi dy avionë Mig-29 në rajonin e Mikolaivit dhe një avion Su-25 në rajonin e Kharkivit, tha ministria në një deklaratë. Ukraina mbetet në kontrollin e impiantit kimik Azot në Sieverodonetsk ku me qindra civilë janë streguar, tha guvernatori i rajonit të shtunën pasi separatistët e mbështetur nga rusia pretenduan se 300 deri në 400 luftëtarë ukrainas janë bllokuar atje. “Informacioni për bllokadën e impiantit Azot është një gënjeshtër”, tha Serhiy Gaidai, guvernator i rajonit të Luhanskut i kontrolluar pjesërisht nga separatistët pro rusë. “Forcat tona kanë kontrollin e një zone industriale në Sieverodonetsk dhe po shkatërrojnë ushtrinë ruse në qytet”, shkroi ai. Sieverodonetsku, një qytet i vogël në rajon, është kthyer në shënjestrën e avancimit rus në ukrainën lindore dhe në një nga pikat më të përgjakura të luftës që tani ka hyrë në muajin e saj të katërt. Ukraina ka thënë se rreth 800 persona janë fshehur në disa bunkerë nën impiantin Azot, përfshirë rreth 200 punonjës dhe 600 banorë të severodonetskut.