Imazhe satelitore të dy ditëve të fundit, tregojnë rrugë të reja dhe një urë taktike që po ndërtohet mbi lumin Pripyat, një lum i rëndësishëm në Bjellorusi, vetëm 6.7 km larg nga kufiri ukrainas, në atë që disa burime të CNN e konsiderojnë një fuqizim të forcave ruse dhe një mbështetje për një pushtim të mundshëm të Kievit. Aktiviteti i ndërtimit po monitorohet me vëmendje nga inteligjenca dhe drejtuesit ushtarakë perëndimorë. Nuk është e qartë se në punime janë angazhuar rusët apo aleatët e tyre bjelloruisë, me të cilët po bëjnë stërvitje të përbashkëta. Mediat ndërkombëtare vazhdojnë të flasin për një sulm të pritshëm rus mbi Ukrainë dhe këto imazhe satelitore, që janë publikuar gjerësisht prej tyre, vetëm sa forcojnë këtë pritshmëri. Ura sekrete e rusëve, zvogëlon ndjeshëm distancën nga qyteti bjellorus i Yampolit me kufirin me ukrainën, me rreth 96 km nga 167 që është aktualisht.