Trupat e natos, të udhëhequra nga ato britanike, kanë nisur stërvitjen e përvitshme të tyre në Estoni, nën hijen e luftës së rusisë në Ukrainë. “Kjo është arsyeja e saktë pse estonia ka shtuar shpenzimet e saj të mbrojtjes, me tre për qind... dhe kjo është pse ne apelojmë që edhe vendet e tjera të bëjnë të njëjtën gjë. Pasi ju e dini, rusia është një kërcënim që nuk do të largohet kurrë!’, thotë ministri estonez i mbrojtjes, Hanno Pevkur. ‘Stuhia pranverore’ ose spring storm, është stërvitja më e madhe ushtarake e forcave estoneze të mbrojtjes, që përfshin edhe njësitë nga vendet aleate. Më shumë se 10 mijë trupa të natos, nga vende të ndryshme anëtare, kanë qëndruar në estoni me rotacion në gjashtë vitet e fundit, kur anëtarët e natos themeluan forcën e përbashkët mbrojtëse, pas aneksimit të gadishullit ukrainas të krimesë, nga rusia, në 2014-ën.