Pasditen e sotme rusët kanë bombarduar fshatrat shqiptare që janë rreth Odeses në Ukrainë. Siç shihet edhe në videon duken me qindra njerëz në rrugë të cilët kanë braktisur banesat e tyre pas bombardimeve dhe po tentojnë të largohen nga zonat ku jetojnë Lufta ka bërë që edhe shumë prej shqiptarëve të Odeses të largohen nga Ukraina në drejtim të Polonisë dhe Rumanisë, nga frika e bombardimeve. Në katër zona në jug të Ukrainës flitet shqip, në Odesa, Georgievka, Devninskoe dhe Gamovka. 5000 shqiptarët e Ukrainës emigruan 300 vite më parë nga rrethi i Korcës për në Evropën Lindore pikërisht për t’i shpëtuar luftës, asokohe me Perandorinë Osmane, por e gjejnë veten, për ironinë e fatit, sërish në vijën e betejës. Ndërkohë që ka edhe shumë anëtarë të komunitetit shqiptar të cilët i janë bashkuar rezistencës dhe po luftojnë kundër pushtimit rus.