Të paktën 11 persona, shumica e të cilëve fëmijë, kanë humbur jetën pas të shtënave me armë zjarri në një shkollë në Kazan, qytet në rusinë qendrore. Një mësues raportohet po ahstu se ka humbur jetën në sulmin e regjistruar 820 km në lindje të Moskës. Sipas shërbimeve të shpëtimit, ka edhe disa të plagosur. Dy persona raportohet se kanë hapur zjarr dhe një 19 vjecar ëhstë arrestuar nga policia. Një shpërthim ishte dëgjuar më pas dhe sipas raporteve, agresori i dytë u vra në katin e katërt të ndërtesës. Kazani ndodhet në republikën kryesisht myslimane të Tatarstanit. Trupa të policisë me armatime të rënda dhe mjete të emergjencës u panë para shkollës me numër 175 në kazan. Pamjet e ndara në mediat sociale tregonin disa fëmijë që hidheshin nga dritaret për të shpëtuar si edhe të lënduar që evakuoheshin. Presidenti i Tatarstanit, Rustam Minnikhanov, i tha gazetarëve jashtë shkollës se kjo ishte një katastrofë dhe se 12 fëmijë dhe katër të rritur po trajtoheshin në spital. “Terroristi është arrestuar. Ai është 19 vjec dhe është pronar i regjistruar i një arme zjarri”, tha ai. Një video në mediat sociale tregonte një adoleshent që shtrihej në tokë, në dukje, duke u arrestuar jashtë godinës.