Prej më shumë se një jave rruga e Rinasit nuk ka qenë plotësisht e aksesueshme për shkak të punimeve që po kryehen dhe që aktualisht po vijojnë, me qëllim rehabilitimin e segmentit rrugor nga Laknas deri në Rinas. Autoriteti Rrugor Shqiptar herë pas herë ka njoftuar qytetarët lidhur me ecurinë e punimeve, ndërsa punimet kanë vijuar pa pushim në mënyrë që trafiku most të rëndohet në këtë segment. Këtë të premte, Autoriteti Rrugor Shqiptar përmes një tjetër njoftimi ka bërë me dije se punimet në rrugën e Rinasit, të cilat prej disa kohësh kanë devijuar trafikun do të përfundojnë ditën e dielë, pra më datë 30 janar. Mirëpo, në njoftim thuhet se kjo gjë mund edhe të zgjasë më shumë, pasi kjo gjë është në varësi edhe të motit.