Numri i personave të infektuar nga koronavirusi vijojn të rriten në Republikën Çeke, për pasojë qeveria ka marrë disa masa kufizuese në mënyrë që të stabilizohet disi situata. Sipas buletinit, në 24 orët e fundit janë regjistruar 254 raste të reja infeksioni, 90 më shumë se javën e kaluar. Shkalla e infektimeve është rritur me 11 raste për 100 000 banorë në shtatë ditët e fundit, tregues ky që bëhet më i lartë në Pragë, ku janë raportuar 33 raste të reja për 100 000 banorë. Për këtë arsye, autoritetet kanë rikthyer disa masa të reja kufizimesh. Duke filluar nga 10 korriku kërkohet testi negativ në kthimin nga vendet e tjera në Republikën Çeke. Testi pas kthimit nuk zbatohet për të vaksinuarit plotësisht dhe për ata që kanë një certifikatë shëndetësore Covid. Të vaksinuar konsiderohen vetëm ata që kanë marrë të dyja dozat e vaksinës anti covid. Më shumë se 1,6 milionë persona janë infektuar që nga fillimi i shpërthimit i pandemisë dhe rreth 30 miojë e 300 kanë vdekur.