Situata epidemiologjike në vend vijon të mbetet e njëjtë, ku cdo ditë raportohet për një numër të lartë viktimash si pasojë e Covid 19. Në 24 orët e fundit janë regjistuar 7 viktima. Betejën me virusin e rrezikshëm nuk e fituan, tre qytetarë nga Tirana të moshave 53-79 vjeç, një qytetar nga Kruja 61 vjeç, një qytetare nga Saranda 70 vjeçe, një qytetare nga Fieri 71 vjeçe, një qytetar nga Durrësi 74 vjeç. Ministria e Shëndetësisë ka bërë me dije se janë regjistruar 194 raste të reja nga 2 mijë e 287 testime të kryera. Tirana vijon të jetë qarku më I infektuar, ku vetëm në 24 orë ka shënuar 107 raste të reja. Po gjatë këtij harku kohorë janë shëruar 190 qytetarë, duke e çuar numrin e të shëruarve në 181,839 që nga fillimi i epidemisë. Aktualisht në spitalet COVID po marrin trajtim 172 pacientë, nga të cilët 29 janë në gjendje më të rënduar.