Kostoja e ndërtimit të banesave është rritur ndjeshëm krahasuar me një vit më parë, duke u reflektuar tek ecuria e kompanive ndërtuese, si dhe tek çmimi i shitjes së apartamenteve. Në përllogaritjet e Institutit të Statistikave rezulton që për tremujorin e tretë të këtij viti, kostot e ndërtimit janë rritur me 7.2 përqind, teksa një vit më parë ky ndryshim ishte 2.2 përqind. Janë disa zëra për të cilat kompanitë e ndërtimit kanë shumëfishuar kostot, duke filluar nga karburantet dhe energjia me 15.5 për qind, pasuar me materialet e ndërtimit, pagat e punonjësve, transporti e deri tek materialet hidro sanitare dhe ventilimi.