Një turist belg, 21 vjeç, ka mbetur I plagosur pas një aksidenti me Jet Ski në det në zonën e Shkëmbit të Kavajës.. I riu ndodhet jashtë rrezikut për jetën, po ka pësuar dëmtime dhe goditje në kokë gjatë rënies nga motori i ujit. Menjëherë pas incidentit të të 21-vjeçarit në det, ka qenë pronari i subjektit që jepte Jet Ski me qira, Skerdilajt Xhametaj, I cili ka ndërhyrë për t’i dhënë ndihmën e parë. Ai është nisur me një tjetër mjet lundrues drejt vendit të ngjarjes, ku ka nxjerrë të plagosurin nga uji. Më pas turisti u transportua fillimisht në spitalin rajonal të Durrësit, për t’u dërguar më pas në Spitalin e Traumës në Tiranë. Nderkohe 51-vjeçari Xhametaj është arrestuar për veprat penale “Shkelja e rregullave të mbrojtjes në punë” dhe “Veprime që pengojnë zbulimin e së vërtetës”. Nga hetimet rezultojne se 51-vjeçari i ka dhënë me qira mjetin lundrues Jet Ski turistit, ndonese ai nuk plotesonte rregullat. Turisti nuk kishte patente per kete kategori mjetesh lundruese por kjo nuk e frenoi 51-vjecarin tia jepte me qera. Po ashtu ai dha deshmi te rreme gjate marrjes ne pyetje per rastin. nNë fillim të qershorit, një 34-vjeçar britanik humbi jetën pas rrëzimit në det, në të njëjtën zonë të plazhit të Durrësit, teksa po bënte manovra me një jet ski bashkë me shoqen e tij.