Seanca gjyqësore në rastin e njohur si “Banjska”, në Gjykatën Themelore të Prishtinës është mbyllur për publikun dhe mediat, pas vendimit të trupit gjykues të kryesuar nga gjyqtari Arben Hoti. Ky vendim u mor me kërkesë të Prokurorisë Speciale të Kosovës, me arsyetimin se dëshmitari i koduar si “F1” është nën masa spciale sigurie dhe se ekspozimi apo bërja publike e elementeve që lidhen me identitetin e tij para publikut paraqet rrezik real për sigurinë personale të tij. Dëshmitari “F1” ka dëshmoi për gjykatën përmes lidhjes me video dhe në kushte anonimitetipër të mbajtur të fshetë dhe vendodhjen e tij. Kërkesa e prokurorisë u kundërshtua nga avokatët e të pandehurve, të cilët argumentuan se mbrojtja e identitetit është e mjaftueshme pa pasur nevojë për përjashtim të publikut. Megjithatë, pas një këshillimi trupi gjykues vendosi të aprovojë kërkesën e prokurorisë dhe të përjashtojë publikun dhe mediat nga salla. Rasti lidhet me sulmin terrorist të 24 shtatorit 2023 në Banjskë, ku mbeti i vrarë rreshteri i Policisë së Kosovës, Afrim Bunjaku.