Qyteti i Durrësit është përfshirë nga moti i keq pasditen e së dielës. Reshjet e shiut kanë shkaktuar vështirësi në qarkullimin e automjeteve dhe këmbësorëve në disa rrugë të qytetit dhe periferisë, si dhe në lundrim, duke bere qe edhe mjetet e tonazhit të vogël e anijet e peshkimit të pezullojne lundrimin për të shmangur incidentet detare. Ne kete situate reshjet kanë kthyer frikën e përmbytjeve të reja dhe në fshatrat e Katundit të Ri, Sukthit dhe në lagjen ''Erzen'' të Shijakut, të cilat u dëmtuan nga përmbytjet e javës së kaluar. Po ashtu pasditja e se dieles ka risjelle reshje në të gjithë Shqipërinë ndërsa rrebeshe shiu dhe stuhi ere vijuan në veri dhe zonat qendrore deri ne mesnate. Metereologet parashikojne pakesimin e reshjeve te marten, duke shtuar se me pas moti do të jetë i qëndrueshëm për disa ditë me rradhë. Megjithatë, problematike mbetet situata në lumenjtë ne veri te vendit për shkak të shkrijes së dëborës në zonat malore deri 900 metra lartësi.