Qendrat e ngritura nga Italia në Shqipëri për pritjen e emigrantëve të paligjshëm që kapen në det nga anijet italiane "do të vazhdojnë të funksionojnë sis ka ndodhur prej disa muajsh". Media italiane Ansa refruar burimeve qeveritare atje thonë se Gjykata Evropiane e Drejtësisë ka vendosur tashmë mbi vendet e sigurta të origjinës. Në vendim thuhet se përcaktimi i një vendi të tretë si "vend i sigurt origjine" duhet t'i nënshtrohet një shqyrtimi efektiv gjyqësor. Vendimi i Gjykatës Evropiane të Drejtësisë, i cili rrëzoi dekretin mbi të ashtuquajturat vende të sigurta për riatdhesimin e migrantëve që mbërrijnë në mënyrë të parregullt në Itali, habiti qeverinë italiane. Kryeministrja Xhorxhia Meloni reagoi ashpër, duke akuzuar gjyqtarët evropianë për "tejkalim" të kompetencave të tyre dhe duke siguruar se lufta kundër emigracionit të parregullt do të vazhdojë. Vendimi i Gjykatës Evropiane të Drejtësisë në lidhje me vendet e sigurta të origjinës për migrantët e paligjshëm është i habitshëm. Edhe një herë, juridiksioni, këtë herë evropian, po pretendon të drejta që nuk i përkasin, përballë përgjegjësive politike", thuhet në deklaratë.