Mënyra se si policia metropolitane menaxhoi një vigjilje në londrën jugore, në kujtim të Sarah Everard, është kritikuar gjerësisht në britaninë e madhe. Sekretari i brendshëm, Priti Patel i kërkoi policisë një raport për ngjarjen ndërsa kryebashkiaku i londrës tha se kishte kërkuar shpjegime urgjente nga drejtuesit. Oficerët u panë të prangosnin dhe të merrnin me vete disa gra nga eventi. Policia tha se kishte arrestuar katër persona gjatë vigjiljes dhe e kishte bërë këtë për të mbrojtur sigurinë e njerëzve. Disa qindra persona u mblodhën në Clapham Common, pavarësisht kufizimeve të koronavirusit, mbrëmjen e të shtunës për të nderuar 33 vjecaren, vdekja e të cilës ka ndezur një debat publik në lidhje me sigurinë e femrave. Ceremonia përkujtimore u anulua një ditë më parë, pasi organizatorët thanë se policia nuk kishte mundur të angazhohej në mënyrë konstruktive në mënyrë që ajo të zhvillohej në një mënyrë të sigurt. Ata i kishin kërkuar njerëzve që të mos mblidheshin pasi kjo do ti vendoste përballë jë rreziku ligjor. POr, ftoi njerëzit të ndiznin qirinj në kohën kur everard u pa për të fundit herë, më 3 mars. NJë video e postuar online, tregonte oficerët e policisë që largonin femrat që po qëndronin pranë një stende. Thirrje si Tju vijë turp, dhe lërini të lira, dëgjoheshin nga kalimtarët. Të shtunën, një oficer policie, 48 vjecar, doli para gjykatës i akuzuar për rrëmbimin dhe vrasjen e Everard. 33 vjecarja u zhduk ndërsa po kthehej në shtëpi më 3 mars. Trupi i saj u gjet në një zonë pyjore në Kent.