Qarku I Tiranës do të rivlerësohet dhe rinumërohet. Ky është qëndrimi i 2 përfaqësuesve të Partisë Demokratike në Komisionin e Ankesave dhe Sanksioneve, ndonëse me shumicë votash nuk u pranua kërkesa e PD. Ka qenë LEdio Braho, ai i cili e bëri publik qëndrimin. Ky vendim u shkon në favor edhe kandidatëve të PD, si doktor Ilir Alimehmeti, Mimoza Hajdarmataj dhe Lisandër Hoxha, të cilët kërkuan rinumërim të votave preferenciale, por që kërkesat e tyre u rrëzuan nga KAS. Betejën ligjore Alimehmeti e vijoi edhe në Kolegj Zgjedhor. Ndërkohë KAS vendosi të hapë edhe 44 kuti të Qarkut të Dibrës, për votën preferenciale brenda listës së kandidatëve të Partisë Demokratike Aleanca për Shqipërinë Madhështore. Procesi i hapjes dhe rinumërimit të votave do të bëhet të mërkurën në orën 9:30 në KQZ.