Të paktën 1326 kuti të Tiranës e Dibrës, do të rihapen e rinumërohen. Teksa të gjitha kutitë e Tiranës do të rivlerësohen në total, si fletët e vlefshme, ato të pavlefshme e votat për kandidatë e subjekte, nuk do të ndodhë e njëjta gjë për Dibrën, ku 44 kutitë e këtij qarku do të rihapen e numërohen vetëm votat preferenciale të Partisë Demokratike. Burime bëjnë me dije se do të duhen rreth 10 ditë kohë që Komisioni Qendror i Zgjedhjeve të bëjë gati infrastrukturën për procesin e rinumërimit për Tiranën, teksa po shqyrtohet mundësia që rinumërimi për Qarkun më të madh të vendit, të bëhet në Parkun Olimpik, ku u zhvillua procesi për votat e diasporës. Ndryshe nga procesi i numërimit, rinumërimi është barrë vetëm për KQZ, pasi numëruesit nuk gjenden nga partitë, të cilat do të mund të kenë vëzhguesit e tyre, por nga administrata e KQZ.