Top News – Rikthehen skafet në kanalin e Otrantos/ Operacion në tre shtete, 22 persona të arrestuar

Guardia di Financa në Leçe të Italisë ka kryer një aksion blitz, ku kanë rënë në pranga 22 persona mes të cilëve edhe shqiptarë, të akuzuar për kontrabandë emigrantësh. Mediat italiane raportojnë se, efektivët e policisë Italiane zbarkuan mëngjesin e kësaj të mërkure, në zonën e Salentos, pjesë e provincës së Leçes, pasi kishin marrë informacion në rrugë operative se në këtë zonë zhvillonte aktivitetin e saj kriminal një rrjet i mirëorganizuar i emigracionit të paligjshëm. Operacioni policor u krye nga Komanda Provinciale e Guardia di Finanza të Leçes dhe Scico e Romës, në bashkëpunim Antimafian Italiane, Policinë Greke dhe atë Shqiptare, në koordinim të vazhdueshëm me Eurojust dhe Europol.