Koreja e veriut do të rrisë kapacitetet e saj mbrojtëse kundër SHBA dhe po konsideron rifillimin e të gjithë aktiviteteve të pezulluara përkohësisht – tha agjencia shtetërore e lajmeve KCNA të enjten, duke iu referuar dukshëm moratoriumit të vetëvendosur mbi testimin e armëve bërthamore dhe raketave me rreze të gjatë veprimi. Tensioni është rritur pas një serie testimesh të raketave nga ana e Penianit. Një përpjekje e fundit e SHBA për sanksione të reja është pasuar nga një reagim i nxehtë i Penianit, që ringriti spektrin e një kthimi tek periudha e njohur si ‘zjarr dhe zemërim’ në 2017-ën. Lideri koreano verior Kim Jong un, thirri një mbledhje të byrosë politike të partisë së punës të mërkurën për të diskutuar mbi cështje të rëndësishme, përfshirë edhe kundërmasat ndaj politikës armiqësore të SHBA – nënvizonte agjencia KCNA. Byroja politike, sipas saj, urdhëroi rimarrjen në shqyrtim të masave besim-ndërtuese dhe ekzaminimin e mundësisë për rifillimin e të gjitha aktiviteteve të pezulluara përkohësisht.