Kreu i Prokurorisë së Posaçme Kundër Krimit dhe Korrupsionit, Arben Kraja kërkoi që të zgjaten mandatet për prokurorët e SPAK dhe anëtarët e Byrosë Kombëtare të Hetimit pasi sipas tij nuk mund të zgjidhen problemet me mandate të kufizuar. "Për SPAK ka qenë një vit intensiv, po jepen produkte konkrete, shihet te pritshmëritë në raport me partnerët, shihet në raport me publikun, ka një rritje të besimit të njerëzve, duhet të jemi të ndërgjegjshëm që mes pritshmërisë dhe realizimit janë dy koncepte të ndryshme , ka ardhur koha të hedh 2 momente që lidhen me punën tonë, nevojën për një ambient të përshtatshëm për BKH, të ulemi dhe të gjemë një zgjidhje, momenti i dytë është mandati i kufizuar për prokurorët e SPAK dhe të anëtarëve të BKH-së.