Një ditë pas vendimit, GJKKO u konfiskon pasuritë 17 të dënuarve të dosjes 339 për laboratorin e heroinës në Brenogë të Hasit. Mësohet se të dënuarve u janë sekuestruar bare, hotele e automjete. Vlera e pasurive shkon në 5 milionë euro, teksa disa prej tyre janë të personazheve të shquara të grupit të Avdylajve në Shijak, si Altin Avdylaj, Hekuran Hoxha ose ‘Roni i Shijakut’ apo Admir Hoxhës. Në tetor të 2018 u zbulua laboratori i heroinës në Has ku u arrestuan mbi 20 të arrestuar, teksa për 17 prej tyre dënimet u dhanë dje. Pasuritë e konfiskuara janë Bar-Restorant, hotel në Rinas si dhe një sipërfaqe e konsiderueshme toke në pronësi të të pandehurit Admir Hoxha, të konfiskohet dhe të kalojë në favor të shtetit. Por, mbi të gjitha grupit të të akuzuarve u janë sekuestruar edhe një numër i konsiderueshëm automjetesh luksoze, të cilat që të gjitha kalojnë në favor të shtetit.