Ekonomia e botës nuk do të tronditet. Takimi në fushën e golfit të Trumpit në Turnberry të Skocisë, mes presidentit amerikan Donlad Trump dhe presidentes së Komisionit Europian, Ursula Von Der Leyen rezultoi i suksesshëm siç thanë të dy liderët.Vendet e bashkimit Euopian dhe Shtetet e Bashkuara kanë arritur tashmë marrëveshjen tregtare që vendos një tarifë prej 15% për shumicën e mallrave të importit nga të dyja palët. Bashkimi Evropian është pajtuar të blejë rreth 750 miliardë dollarë energji nga Shtetet e Bashkuara dhe të investojë edhe 600 miliardë dollarë shtesë në ekonomine amerikane, përveç investimeve ekzistuese. Ai gjithashtu njoftoi për një blerje të madhe të pajisjeve ushtarake nga ana e BE-së. "Ishte një negociatë shumë interesante. Mendoj se do të jetë e shkëlqyer për të dyja palët”, tha Trump menjëherë pas takimitVon der Leyen tha se tarifat prej 15% janë “të përgjithshme dhe gjithëpërfshirëse” dhe se “tani, në thelb, tregu evropian është i hapur.” Kjo marrëveshje tregtare do të sjellë stabilitet në marrëdhëniet ekonomike mes dy palëve, shtoi ajo.