Vendi është përfshirë nga reshjet e shiut, ndërsa verilindja është zbardhur nga bora që ka rënë gjatë natës. Reshjet e bores ne verilndje kanë arritur nga 4 deri në 15 cm në zonat malore. Aurotiteti Rrugor Shteteror, përmes një njoftimi në facebook, ka bërë të ditur gjendjen e akseve kombëtare, ndërsa bën apel për kujdes nga ana e shoferëve. Sipas ARRSH, kalimi në gjitha akset vijon pa probleme, ndërsa është bërë pastrimi i rrugeve dhe shpërndarja e kripës. “Në rajonin Verior kryesisht në qarkun e Kukësit dhe pjesërisht në Diber ka pasur reshje bore gjatë natës. Në segmentin Pukë-Fushë Arrëz-Kukës, ka pasur reshje dëbore, ku është është bërë pastrimi dhe shpërndarja e kripës. Në segmentin Bulqizë-Peshkopi ka pasur reshje të dobëta dëbore, rruga është pastruar dhe qarkullimi vazhdon normalisht. Në të gjitha akset kontraktorët kanë punuar me mjete dhe fuqi punëtore për mbajtjen hapur të akseve. Qarkullimi vazhdon normalisht dhe pa zinxhirë në të gjitha akset”, thuhet ne njoftimi ne ARRSH-se. mesohet se mjetet dhe makineritë borëpastruese kanë punuar gjatë gjithë segmentit nga Kalimashi në Morinë për pastrimin e borës dhe hedhjen e kripës.