Humbjet e jetëve nga covid 19 vijojnë te mbeten të larta. Ministria e Shëndteëisë ka raportuar se 19 viktima janë shënuar në 24 orët e fundit në spitalet covid, ku 10 prej tyre janë qytetarë të Tiranës, 2 nga Elbasani, 2 nga Berati dhe viktimat e tjera nga zona të tjera të vendit, të moshave nga 48-87 vjeç. Me këto të dhëna numri i jetëve të humbura që nga fillimi i pandemisë, ka shkuar në 1835 persona. Ndërkaq edhe numri i rasteve të reja me koronavirus, është më i lartë në krahasim me një ditë më parë, janë konfirmuar 892 të prekur, si rezultat i 3369 testimeve të kryera ndaj personave të dyshuar. nga këto 374 raste janë në Tiranë, 55 në Fier, 47 në Vlorë, 45 në Durrës, 30 në Shkodër, nga 26 raste në Krujë, Berat, nga 25 raste në Kavajë, Lushnje, Kuçovë, 23 në Librazhd, 22 në Gjirokastër, 17 në Mallakastër, 15 në Elbasan, nga 11 raste në Kurbin, Mirditë, 10 në Përmet dhe më pak raste ne bashkitë e tjera të vendit. Aktualisht në spitalet COVID në Tiranë dhe tre spitalet rajonale po trajtohen 650 pacientë, 42 në terapi intensive, nga të cilët 12 pacientë janë të intubuar. sipas të dhënave ditore janë shëruar 760 qytetarë, duke e çuar numrin e të shëruarve në 71,173 që nga fillimi i epidemisë, ndërsa raste aktive janë 35 815. Në total numri i infektimeve që nga fillimi i pandemisë ka shkuar në 108 823. Gjatë ditës së martë konfirmohet se janë kryer 732 vaksinime antiCovid dhe që nga fillimi i vaksinimit janë kryer 15,027 vaksinime.