Artan Hoxha është zgjedhur Rektor i Universitetit të Tiranës pas një gare te fortë mes 3 kandidatëve për këtë post. Sipas të dhënave të marra pranë komsionit zgjedhor të Universitetit te Tiranës, Hoxha ka arritur të sigurojë 54% të votave të stafit akademik. Konkretisht 348 vota kanë shkuar për të, ndërsa kandidatja tjetër për rektore Mimoza Hafizi ka marrë176 vota dhe kandidatja e tretë Kozeta Sevrani, siguroi 122 vota . Këto janë vetëm votat e stafit akademik, pasi në votim kanë marrë pjesë edhe studentet, vota e të cilëve zë 10%. Artan Hoxha do të zevendësojë në krye të UT, rektorin aktual Mynyr Koni. ky i fundit e ka quajtur procesin e zgjedhjeve ne Universitetin e Tiranës të paligjshëm pasi sipas tij komisioni zgjedhor institucional nuk u rizgjodh sipas procedurës. Zgjedhjet në universitetet publike duhet të ishin mbajtur disa muaj më parë, por u shtynë për shkak të pandemisë. Për rektorët e rinj dhe senatet kanë votuar 12 universitete publike të vendit, proces që nisi që në orën 08 00 të mëngjesit.