Rektori i Universitetit Bujqësor të Tiranës, Fatbardh Sallaku ka kërkuar që të flasë para grupit parlamentar të Partisë Socialiste në lidhje me masat e sigurisë të dhëna nga SPAK ndaj 24 anëtarëve të stafit të tij. Kryeministri Edi Rama thotë përmes një reagimi në rrjetet sociale, se dëgjesa do të realizohet ditën e mërkurë në orën 09:00, teksa në të njëjtin reagim kujdeset që të theksojë se masat e sigurisë janë vendosur pa gjyq. Dubel rama - Nesër në 09.00 Grupi Parlamentar i shumicës qeverisëse do të dëgjojë me kërkesën e tij, Rektorin e Universitetit Bujqësor, Fatbardh Sallaku, lidhur me 24 masa sigurie PA GJYQ për stafin dhe pedagogët e universitetit për disa procedura të disa viteve me parë. Rektori i Sallaku nuk është mes personave që SPAK ka caktuar masa sigurie, ndërsa Rama thotë se hetimi i SPAK vjen në një moment historik për këtë universitet. Dubel rama - Vetë rektori, i cili nuk rezulton i lidhur me këtë hetim, flet për një keqkuptim shumë të madh dhe kërkon të dëgjohet publikisht, në një moment historik kthese për Universitetin Bujqësor që ka hyrë në rrugën e transformimit me synim njehsimin e plotë të diplomave me Universitetin BOKU të Vienës në Shqipërinë 2030.