Makina Ferrari e drejtuar nga legjenda e Formula 1 Michael Schumacher F2001 me të cilin ish piloti gjerman fitoi titullin e tij të katërt dhe të dytin me Kokëkuqen italiane u shit në ankand për 18.17 milionë dollarë, duke vendosur një rekord për një makinë të drejtuar nga 7 herë kampioni i botës. Në ankandin e mëparshëm të mbajtur në 2022, makina F2003 GA e Schumacher u shit për vlerën e 13.2 milionë dollarëve Shitja u bë në ankandin e organizuar nga shtëpia e ankandeve RM Sotheby;s përpara provave kualifikuese të Cmimit të Madh të Monacos në Formula 1. Me makinën F2001, Schumacher fitoi garën e Montecarlos dhe atë të Hungarisë ku Schumacher siguroi matematikisht edhe titullin botëror për pilotë. Atë vit edhe Ferrari fitoi titullin botëror për konstruktorë. Makina F2001 që sapo u shit, bëhet makina e katërt më e kushtueshme përsa i përket njëvendësheve të Formula 1. Në këtë pikë klasifikimin e kryeson mercedes Ë196R e 1955 e drejtuar nga Juan Manuel Fangio dhe Stirling Moss, që u shit në fillim të vitit për vlerën e 54 milionë dollarëve