Përpjekjet e grupit hetimor për të marrë dëshminë e Ylli Brahimit, personit që I shpëtoi atentatit në Milot, kanë dështuar për të dytën herë. Kanë kaluar më shumë se një javë nga atentati mafioz në Milot, ku persona të paidentifikuar ngritën atentat ndaj Ylli Bhraimit dhe mikut të tij Klisman Precit, dhe policia e Tiranës të vetmet prova që ka në dorë janë 108 gëzhojat që u gjendën në vendin e ngjarjes, makinën tip Audi e cila u gjet e djegur pas ngjarjes dhe dy armë të djegura që u gjendet brenda automjetit. Ndonëse atentati u krye në pallatin e shenjestrave, kamerat e sigurisë në zonën përreth kanë qenë të fikura, gjë që ka penguar punën e grupit hetimor për të identifikuar autorët apo për të gjetur ndonjë detaj që mund të cojë në gjetjen e tyre. Ndaj, dëshmia e të mbijetuarit Ylli Brahimi është shumë e rëndësishme për të zbardhur hetimin, por ky i fundit ka refuzuar të dëshmojë, me argumentin se nuk është në gjendjen e duhur shendëtësore për të dhënë dëshmi mbi ngjarjen e asaj dite. Ylli Brahimi që prej 7 ditësh ndodhet I shtruar në spitalin e Traumës në Tiranë, nën mbikqyrjen dhe sigurinë maksimale të policisë. Ky i fundit ka kontakte vetëm me efektivët e policsë, familjarët që vijnë për ta vizituar dhe me stafin mjekësorë. Atentati në Milot ndodhi tetë ditë më parë. Ylli Brahimi dhe Klisman Preci u qëlluan me kallashnikov nga disa autorë që ende nuk janë identifikaur nga policia. Preci ndërroi jetë pasi mbërriti në spital, ndërsa Brahimi ende nuk ndodjhet në gjendje të stabilizuar shendetësore, për shkak të plagëve të rënda nga sulmi. Kanë kaluar 8 ditë dhe autorët janë zhdukur pa gjumrë, ndërkohë autoritetet vijojnë punën për kapjen dhe ndëshmimin e atentatorëve.