Avokatët mbrojtës të Erion Veliajt shohin me shqetësim publikimin e të dhënave hetimore në media. Sipas tyre, po tentohet të shndërrohet procedimi penal në gjyq publik duke shkelur rëndë parimin e sekretit hetimor. Facebook Veliaj: “Në një shtet demokratik dhe evropian, drejtësia zhvillohet brenda institucioneve të drejtësisë, jo në tituj gazetash, rrjete sociale apo “seriale kriminale” të prodhuara nga media të kontrolluara përmes rrjedhjeve anonime dhe të paligjshme. Edhe më shqetësuese është fakti që këto rrjedhje ndodhin gjatë fazës së hetimeve paraprake, e cila është nën mbrojtjen e detyrueshme të organit që e administron, prokurorisë. Pikërisht këtu dështimi është i pakundërshtueshëm: jo vetëm që nuk është mbrojtur integriteti i procedurës, por është shkelur rëndë parimi i sekretit hetimor, duke e kthyer procesin në një farsë publike.” – shprehen përfaqësuesit ligjorë të Erion Veliajt.