Menjëherë pas deklaratës së përfaqëuesit të lartë të BE-së, Joseph Borrell, se mes Kosovës dhe Serbisë ëshët arritur një marrëveshje në Ohër, ka reaguar edhe kryeministri i Shqipërisë, Edi Rama. Duke përgëzuar katër protagonistët e takimit të Ohrit, Rama tha se implementimi i kësaj marrëveshjeje do të shpallte një pranverë të shumëpritur të marrëdhënieve mes dy kombeve. “Le të shpresojmë që djalli të mos fshihet në detaje sonte dhe që marrëveshja e rënë dakord, por e pa nënshkruar të mos jetë një tjetër mashtrim ballkanik! Përndryshe kjo do të ishte një arritje historike që do të shpallte një pranverë të shumëpritur në marrëdhëniet mes dy kombeve më të mëdha të Ballkanit”, shkroi Rama ndër të tjera në Twitter.