Erion Veliaj ka ndarë në rrjetet sociale gjetjet e raportit të përditësuar të studiove ligjore, kasoëitz dhe Michcon de Reya në lidhje me çështjen e ndalimit të tij nga SPAK. Raporti e cilëson mbajtjen e Veliajt në paraburgim si persekutim politik të kryebashkiakut të Tiranës, si dhe “shqyrton motivimet e dukshme dhe të papërshtatshme politike që qëndrojnë në themel të çështjes së SPAK-ut ndaj tij”. Sipas Raportit, Veliaj mbahet në paraburgim, ndonëse nuk paraqet rrezik për t’u arratisur dhe as paraqet rrezik për të penguar çështjen e SPAK-ut. Në të theksohet se paraburgimi i pajustifikuar i Veliajt ka shërbyer si pretekst për ta larguar atë nga detyra në mënyrë antikushtetuese. Në raport shprehet edhe shqetësimi se çështja ndaj Veliajt është një përndjekje politike e hartuar për ta eleminuar politikisht atë. Sipas raportit, manovrat e fundit politike të ndërmarra për ta larguar nga detyra kanë cenuar prezumimin e pafajësisë, që kryebashkiakut Veliaj i takon, dhe e kanë privuar atë nga liria dhe detyra - të gjitha këto, përpara se gjyqi i tij të nisë.