Partia Demokratike ka reaguar pas publikimit të raportit të Departamentit Amerikan të Shtetit për klimën e investimeve në Shqipëri për vitin 2026. Nënkryetari i PD, Nikola Kedhi e cilësoi raportin një akt-akuzë të qartë ndaj mënyrës së qeverisjes së vendit, duke renditur ndër problematikat kryesore korrupsionin. DASH konstaton korrupsion në administratë, në drejtësi, në prokurime dhe në media. Paratë e drogës dhe të evazionit fiskal shtrembërojnë tregun. Investitorët raportojnë rrezik zhvatjeje nga administrata publike, media dhe grupe kriminale. Raporti flet për një kulturë të përhapur pandëshkueshmërie. Shqipëria mbetet në kategorinë e juridiksioneve kryesore të pastrimit të parave. Një tjetër shqetësim i ngritur prej tij lidhet me sistemin e drejtësisë dhe sigurinë juridike për investitorët.