Në takimin me gratë dhe vajzat e Kamzës, kryesocialisti Edi Rama kërkoi bashkëpunim me demokratet që sipas tij janë realiste, ndryshe nga burrat tifozë që i cilësoi si cyrykë. Çdo ditë, çdo orë duhet të bëni çdo përpjekje që të shtoni radhët e votave të sigurta të Partisë Socialiste në radhë të parë nga gratë. Dhe duhet të punoni, bisedoni, bashkëpunoni me gratë demokratë, të cilat e kuptojnë shumë mirë, sepse e kanë shumë më të shpejtë kalimin nga politika në realitet, nuk e kanë si burrat. Burrat kur janë tifozë janë çyryk, nuk shofin, shofin ngjyrën e fanellës, ulen pinë raki, bëjnë politikë të madhe dhe nuk e kuptojnë që në fund të ditës politika nuk është një ndeshje futbolli, zgjedhjet nuk janë një stadium dhe vota nuk është një biletë për ta prerë dhe të shkosh të bërtasësh për skuadrën.