Grupi Parlamentar I Partisë Demokratikë I ka dërguar Kuvendit për të shpallur të pavlefshme seancën parlamentare të kësah të enjteje dhe për të ribër atë. Në kërkesën e depozituar pranë sekretariatit të Kuvendit, Gazment Bardhi argumenton se gjatë seancës u shkel neni 66 I rregullores së Kuvendit ku specifikohet se : “Çdo votim i kryer në kundërshtim me Kushtetutën, ligjin ose Rregulloren e Kuvendit është i pavlefshëm”, kështu deputetët demokratë kërkojnë: Anullimin e votimit; Rithirrjen e seancës plenare me të njëjtin Rend Dite, ku të ndiqet me përpikmëri procedura parlamentare e parashikuar nga neni 97 i Kushtetutës dhe neni 110 i Rregullores së Kuvendit; dhe shmangien e çdo lloj provokimi nga ana e Kryeministrit ndaj çdo deputeti të opozitës, duke ndjekur rregullat parlamentare të zhvillimit të seancës plenare dhe duke mos e shndërruar Kuvendin e Shqipërisë në një “teatër kukullash”. Në argumentet e renditura deputetët dermokratëpretendojnë se Kryeministri Rama mori rolin e kryetarit ë kuvendit dhe I dha fjalën “Ministres virtuale Diella”, në kundërshtim të hapur me Kushtetutën dhe Rregulloren. “Salla e seancës plenare nuk mund të shndërrohet nga një Kryeministër karagjoz në një “teatër kukullash” dhe reagimi i opozitës ishte për mbrojtjen e Kushtetutës dhe Rregullores së Kuvendit. Kërcënimi i Kryeministrit që në nisje të fjalës së tij se deputetët e opozitës duhet të bëjnë apo sillen ashtu siç ai dëshiron, ose ndryshe Kryeministri nuk do të lejojë debatin parlamentar, është i papranueshëm dhe cënon rëndë rendin kushtetutes të një Republike Parlamentare.”, thuhet në shkresë. Po ashtu PD akuzon kryeparlamentarin Niko Peleshi për shkelje flagrante të procedurës paralmentare duke lejuar votimit.