Kryeministri Edi Rama, së bashku me deputetët Taulant Balla dhe Evis Kushin janë ndalur sot në qytetin e Elbasanit. Duke kryer gjithë ritualet fetare është bërë dorëzimi i eshtrave të shenjtorit Shën Joan Vladimiri në Elbasan. Pikërisht në ditën e Ramazanit për besimatarët mysliman, për të theksuar edhe tolerancën fetare në vend, Rama ka bërë këtë akt në mbështetje të komunitetit e të autoriteteve të Kishës Autoqefale Shqiptare. Lipsanet e shenjëtorit Shën Joan Vladimiri kanë qenë pjesë e fondit muzeor në Muzeun Kombëtar dhe tashmë do të jenë pjesë e manastirit të Elbasanit duke u kthehen në një atraksion më shumë për besimtarët dhe turistët. “Dorëzimi i lipsaneve (eshtrave) të Shën Joan Vladimirit, një çast emocionues në jetën e komunitetit ortodoks të Elbasanit dhe krejt Shqipërisë, falë nxitjes këmbëngulëse të Evisit e Taulantit, në mbështetje të komunitetit e të autoriteteve të Kishës Autoqefale Shqiptare,” shkruan Rama në postimin e tij në facebook.