Kryeministri Edi Rama i ka dërguar një letër urimi homologut të tij në Kosovë, Albin Kurti, i cili dy ditë më pare u konfirmua në krye të ekzekutivit të ri. Në mesazhin inkurajues, Rama shprehet i bindur se Kurti dhe ekipi i tij qeverisës do t’i kapërcejnë më sukses sfidat me të cilat po përballet Kosova. Duke riafirmuar vendosmërinë time dhe të Qeverise që unë kryesoj për t’i zgjedhur e intensifikuar më tej marrëdhëniet tona, unë besoj fort se tashmë ekzistojnë të gjitha mundësitë dhe potencialet për ndërmarrje të rëndësishme e projekte të guximshme në shumë sektorë, përfshirë përballjen e përbashkët me COVID-19. Këto ndërmarrje do t’i kontribuojnë përmirësimit të jetës dhe përparimit e integrimit më të shpejtë të shqiptarëve. “Unë mbetëm gjithashtu besimplotë se ju dhe ekipi juaj qeverisë do t’i kapërceni me sukses sfidat me të cilat përballet Republika e Kosovës në përparimin e saj të gjithanshëm demokratike integrues në rajoni dhe më gjerë, drejt rrugëtimit të saj euroatlantik”, shkruan kryeministri që i përcjell dhe një ftesë homologut kosovar për vizitë në Shqipëri, kur ta ketë ai të përshtatshme. Që prej përplasjes shkurtin e vitit të kaluar për Minishengenin ballkanik, marrëdheniet mes Ramës e Kurtit janë shfaqur gjithmonë e më të ftohta, por kryeministri u kujdes që kjo të mos reflektohej aspak në letrën e tij tij të urimit.