Pak javë pasi Kryeministri Edi Rama vizitoi ish-presidentin Hashim Thaci në paraburgimin në Hagë, qeveria shqiptare ndërmori një përpjekje për të dokumentuar se Ushtria Clirimtare e Kosovës nuk është përfshirë në trafikim organesh. Partia Socialiste paraqiti të hënën në Kuvendin e Shqipërisë një Rezolutë qe hedh poshtë pretendimet për trafikim organesh në Kosovë dhe Shqipëri. Propozimi që mban firmën e deputetët e PS-së Taulant Balla, Mimi Kodheli, Klotilda Bushka, Etilda Gjonaj, Blendi Klosi, Etjen Xhafaj, Petro Koci, Hatixhe Konomi, Bardhyl Kollcaku, Ilir Pendavinji e Arben Pellumbi, do ti propozojë Kuvendit se hetimet e Dick Martin për trafikim organesh mbeten të paargumentuara, të paprovuara dhe të pabazuara. Sipas rezolutës, ato duhet të hidhen poshtë edhe nga ndërkombëtarët. Rezoluta theksoon se PS beson se do të ketë mbështetjen e të gjithë anëtarëve të Kuvendit të Shqipërisë” dhe se me këtë projekt rezolutë synohet të ndihmohet drejtësinë dhe mbështetet çdo përpjekje që synon të zbulojë të vërtetën.