Rusia thotë se një raketë balistike e saj mund të godasë shënjestrat me një precizion të paprecedentte. Raketa Iskander-E u testua për një klient misterioz të huaj – tha prodhuesi. Raketat e familjes Iskander, janë të projektuara të godasin shënjestra në distanca relativisht të shkurtra dhe janë dislokuar kundër forcave të NATO-s. Gjatë testimit të raketës, ajo goditi një shënjestër rreth 180 km larg – tha shefi i Rostec, prodhuesi rus i raketave. Ai tha se kjo ishte konfirmuar nga kamerat e instaluara përreth shënjestrës dhe agjencia shtetërore e lajmeve saktësoi se kjo përfaqësonte një saktësi të paprecedenttë. “Produktet e Rostec edhe një herë kanë treguar se janë ekstremisht efikase”, tha shefi i kompanisë. Raketat u lëshuan nga një mjet me një ekuipazh prej tre personash dhe kanë një rreze veprimi prej afro 500 km. Ato peshojnë 4 tonë dhe janë 7 metra të gjata e mund të kontrollohen edhe në fluturim e sipër. Forcat e armatosura të rusisë i përdorën sistemet e raketave Iskander në luftimet kundër gjeorgjisë, në 2008-ën.