Dy të dyshuar janë arrestuar për grabitjen e paprecedentë të Luvrit, një javë pasi grabitësit ia mbathën me bizhuteri me vlerë miliona euro. Një nga të arrestuarit u kap nga policia ndërsa përpiqej të hipte në një fluturim për në Algjeri nga Aeroporti Charles de Gaulle në Paris, të shtunën në mbrëmje, raportoi Le Parisien. Personi tjetër u arrestua menjëherë më pas dhe të dy ata aktualisht po merren në pyetje nga autoritetet. Të dyshuarit e arrestuar, të cilët besohet se të dy janë rreth të 30-ave, janë me origjinë nga Seine-Saint-Denis në kryeqytetin francez, thonë raportet. Ata dyshohet të jenë pjesë e bandës prej katër personash që hyri me forcë në muzeun ikonik më 18 tetor para se të arratisej me thesare të paçmueshme. Kjo vjen pasi policia vendase tha se ishin gjetur prova dixhitale mjeko-ligjore që një anëtar i ekipit të sigurisë së muzeut ishte në kontakt me grabitësit, duke ngjallur frikë se goditja ishte një punë e brendshme.