Aeroplanmbajtësja më e madhe në botë po lëviz drejt Karaibeve e mbështetur nga pjesa tjetër e "grupit të saj të shoqërimit" për t’i shtuar akoma më shumë fuqi forcave amerikane që tashmë janë vendosur pranë Venezuelës. Por, e gjithë kjo a ka të bëjë vërtetë me luftën e presidentit donald trump kundër drogës në amerikën e jugut? Analistët e shohin këtë me dyshim. Dhe ka disa arsye për të dyshuar në qëllimin e deklaruar të qeverisë amerikane për të zhdukur bandat narko-terroriste që kërcënojnë SHBA-në, nga Venezuela. Ndërsa Trump thotë se fentanili është një vrasës i madh në SHBA, gjë që është e vërtetë, dhe se ai furnizohet nga bandat e drogës, gjë që po ashtu është e vërtetë, të fajësosh Venezuelën për prodhimin e fentanilit është thjesht e pasaktë. Kartelet meksikane prodhojnë fentanil me përbërës të ardhur kryesisht nga Kina, dhe nga Meksika, fqinje e Amerikës, fentanili hyn direkt në SHBA përmes kufirit të saj jugor.