Sulmet ajrore, sipas Shërbimit të Emergjencave të Shtetit të Ukrainës, morën jetën e të paktën tre personave dhe plagosën dhjetëra të tjerë. “Janë tashmë 29 të plagosur, përfshirë gjashtë fëmijë. Më i riu është katër vjeç”, tha kryetari i Kievit, Vitali Klitschko, në Telegram. Një zjarr shpërtheu në një ndërtesë 9-katëshe banimi në rajonin Desnianskyi, nga e cila 13 persona u shpëtuan nga katet e sipërme. Përveç kësaj, një dron goditi një ndërtesë 16-katëshe, duke thyer dritaret nga kati i parë deri në katin e nëntë, raportuan ekipet e emergjencës. Një dron tjetër goditi një ndërtesë të lartë në distriktin Obolonski, por zjarrfikësit thanë se objekti nuk ishte shpërthyer në flakë. “Të gjithë janë duke marrë ndihmë mjekësore, disa janë shtruar në spital,” tha administrata ushtarake e Kievi-t në Telegram.