Raketa e parë orbitale e lëshuar nga Evropa kontinentale u rrëzua disa sekonda pas shpërthimit të dielën,gjatë një përpjekjeje të kontinentit për të ndërtuar një ekonomi të re hapësinore. Raketa Spectrum, e zhvilluar nga start-up-i gjerman Isar Aerospace, pak sekonda pas ngritjes u rrëzua përsëri në Tokë duke shkaktuar një shpërthim të fuqiëshëm. Ajo u lëshua nga porti hapësinor i Norvegjisë Andoya në Arktik, në video të transmetuara drejtpërdrejt në YouTube. Isar Aerospace, kishte deklarauar më herët se nuk priste që raketa të arrinte në orbitë me lëshimin. Andoya Space, firma publike norvegjeze që operon portin hapësinor, tha se masat e "përgjigjes ndaj krizës" ishin aktivizuar pas "incidentit". Policia rajonale tha se nuk ishte raportuar për të lënduar. Raketat orbitale janë projektuar për të vendosur ngarkesa të tilla si satelitët brenda ose përtej orbitës së Tokës. Përpara nisjes, e cila ishte shtyrë vazhdimisht për shkak të kushteve të motit, Isar Aerospace kishte minimizuar pritshmëritë, duke thënë se qëllimi nuk ishte të arrinte orbitën në përpjekjen e saj të parë.