Rusia ndërkohë është angazhuar në stërvitje të mëdha ushtarake me bjellorusinë, fqinjin verior të Ukrainës. Avionët luftarakë Su-30 kanë kryer patrullime të përbashkëta në kufirin mes rusisë dhe bjellorusisë të hënën – tha ministria ruse e mbrojtjes. Rusia do të dërgojë ndërkohë edhe një flotë anijesh të armatosura me raketa kruiz dhe raketa supersonike, nga flota e saj në kaspik, në detin e zi dhe detin mesdhe – shkruante e përditshmja Izbestia, duke cituar burime ushtarake. Flota ruse në detin e zi tha të shtunën se më shumë se 30 luftanije kishin nisur stërvitjet pranë gadishullit të Krimesë që moska e aneksoi në 2014-ën, në kuadër të një stërvitjeje të madhe që shtrihet nga paqësori në atlantik dhe përfshin të gjithë flotat e saj. Ndërkohë mbi 30 helikopterë transporti dhe sulmi janë angazhuar në stërvitje taktike në rusinë jugore – tha ushtria të hënën.