Rusia tha të mërkurën se kishte lëshuar dy raketa cruise Kalibr mbi shënjestrat ukrainase nga një nëndetëse në Detin e Zi dhe përsëriti paralajmërimin se do të vendosë në shënjestër ngarkesat me armë të NATO-s drejt vendit. Ministria ruse e mbrojtjes publikoi imazhet e raketave cruise që lëshoheshin nga deti i Zi duke thënë se ato kishin goditur shënjestra të paspecifikuara tokësore në Ukrainë. Më herët, rusia ka ndërmarrë goditje të ngjashme nga një nëndetëse edhe më 29 prill. Në ditën e 70 të atij që Rusia e quan Operacion Special Ushtarak në Ukrainë, rusia tha se kishte goditur edhe gjashtë stacione hekurudhore në Ukrainë që përdoreshin për të armatosur forcat ukrainase me armë perëndimore, në lindjen e vendit. Por ndërkohë, nuk ka një verifikim të pavarur të këtij pretendimi dhe as një reagim nga Kievi. Shefi i shtabit të ushtrisë ruse, Valery Gerasimov, u shfaq ndërkohë në krah të ministrit të mbrojtjes, në takimin me zyrtarët e mbrojtjes të mërkurën, pasi dy ditë më parë, shba tha se besonte se ai kishte shkuar në rajonin e donbasit javën e shkuar dhe mediat raportuan edhe se ishte plagosur në luftime atje.