Përpjekjet për të shpëtuar një fëmijë në Marok, që ra në një pus uji afër qytetit Chefchaouen janë drejt fundit. Fëmija, që mediat lokale e kanë identifikuar si një pesë vjecar të quajtur Rayan, raportohet se po luante pranë pusit në qytetin verior Tamrout, 100 km larg Chefchaouenit. Rayan besohet se ka rënë në një thellësi prej 32 metrash në një grykë të ngushtë. Operacioni i shpëtimit ka nisur që nga mbrëmja e të martës. Shpëtimi i fëmijës është i afërt – tha një zëdhënës i qeverisë së marokut mbrëmjen e të enjtes. “Mendimet tona janë me familjen. Ne po lutemi që ai të kthehet pranë saj sa më shpejt që të jetë e mundur”. Pavarësisht rënies në një thellësi të madhe, pamjet nga kamerat që ishin lëshuar në pus tregonin se djali ishte i gjallë dhe i ndërgjegjshëm edhe pse kishte pësuar disa lëndime të lehta në kokë. Punonjësit e shpëtimit kanë ulur maska oksigjeni, ushqime dhe ujë në pus, dhe një ekip mjekësh është po ahstu në vendngjarje i gatshëm që të trajtojë djalin. Një helikopter po ashtu ka mbërritur atje për ta dërguar në spital sapo të dalë nga pusi. Me mijëra njerëz kanë ndjekur transmetimet televizive dhe imazhet në mediat sociale, dhe shumë persona janë mbledhur po ashtu në vendngjarje për të parë nga afër cfarë po ndodh. Pamjet nga vendngjarja tregojnë pesë buldozierë që gërmojnë në një zonë paralele me pusin në përpjekje për të siguruar një pikë daljeje.