Mattarella, 80 vjec, ka përjashtuar mundësinë e qëndrimit në detyrë dhe nuk ka bërë ende komente pas kësaj kërkese, por me stabilitetin politik të vendit në rrezik, duket se ai nuk do ti rezistojë shumë presionit. “Italianët nuk meritojnë më shumë ditë konfuzioni”, tha Matteo Salvini, shef i partisë Lega e Veriut, duke i kërkuar Mattarelës të bëjë një sakrificë për hir të vendit. Kryeministri Mario Draghi, që nuk mundi të merrte mbështetje për ambicjen e tij për postin, i telefonoi Mattarelës të shtunën dhe i kërkoi po ashtu të qëndronte. Kjo është hera e dytë radhazi që një presidenti i kërkohet të rimarrë në konsideratë mandatin e tij të dytë shtatë vjecar. Në 2013, liderët politikë iu drejtuan shefit të atëhershëm të shtetit, Giorgo Napolitano, që të qëndronte në detyrë pasi nuk mundën të gjenin një kandidat konsensual. Napolitano pranoi me hezitim, por u tërhoq dy vite më vonë pasi një qeveri e re u zgjodh dhe hapi rrugën për Mattarelën.