Tanket e Vladimir Putinit kanë hyrë në Ukrainë duke krijuar kështu momentin më të rrezikshëm që nga kriza e raketave në Kubë. Trupat ruse kanë hyrë në dy rajonet separatiste të ukrainës, që Putin i njohu si shtete të pavarura, duke e kthyer botën pas në momentet e errëta kur ajo mbante frymën pezull nën hijen e një lufte bërthamore. Pushtimi i shumëpërfolur rus nisi në orët e para të së martës, menjëherë pasi Putini njoftoi vendimin e tij në një fjalim drejtuar kombit. Më herët, ai kishte mbledhur këshillin kombëtar të sigurisë, në të cilin urdhëroi aleatët kycë ta mbështesin lëvizjen e tij. Me një forcë prej 200 mijë trupash përreth ukrainës, bota është në buzë të humnerës dhe pret tani lëvizjen e radhës së Putinit që mund të ndezë edhe konfliktin më të përgjakshëm në evropë që nga lufta e dytë botërore. Ndërkohë, ukraina është kundërpërgjigjur pa humbur kohë ndaj hyrjes së trupave dhe tankeve ruse në lindje të saj. Nëpërmjet videove të publikuara shikohet se forcat e armatosura ukrainase janë pajisur me raketat anti-tank britanike NLAV. Njëri prej eprorëve ukrainas tha se automjetet ushtarake nuk kanë shans ndaj raketave të tyre. Në video janë publikuar dhe stërvitje të forcave ukrainase me raketat NLAV.