Top News – Putin ‘nis’ bombarduesit drejt Britanisë / Gjashtë avionë në dy ditë, ‘dëbohen’ nga RAF

Forcat ajrore mbretërore në Britaninë e Madhe kanë ngritur në fluturim avionët luftarakë Tajfun, për të ndjekur dy bombardues të tjerë rusë që iu afruan hapësirës ajrore britanike, vetëm një ditë pasi kishin dëbuar prej saj katër tupolevë që fluturonin mbi brigjet e skocisë. Avionët Tajfun u nisën nga baza ajrore Moray, në Skoci, pasi dy tupolevë Tu-95 Bear F iu afruan hapësirës ajrore të rusisë. Tajfunët britanikë, të mbështetur edhe nga një avion rifurnizues i RAF, i vendosën në linjë zjarri bombarduesit rusë para se ata të mund të hynin në zonën britanike të interesit dhe i shoqëruan larg brigjeve të skocisë- tha një zëdhënës. Presidenti rus Vladimir Putin duket se po vazhdon të rrisë presionin mbi ukrainën, duke mbledhur trupa dhe armë me kapacitete bërthamore edhe në Bjellorusi, e duke zhvilluar stërvitje ushtarake ngado që mundet.