Presidenti rus Vladimir Putin besohet se ka marrë kontroll të plotë të luftës në Ukrainë dhe po i paraqet kërkesa të pamundura komandantëve të tij në një kohë kur forcat ruse vazhdojnë të sulmojnë rajonin lindor të Donbasit. Putin ka marrë kontrollin e përditshëm të operacioneve dhe ia ka deleguar pjesën më të madhe të detyrave për menaxhimin e vendit, kryeministrit Mikhail Mishustin, sipas burimeve. Ai nuk ka humbur kohë por ka paraqitur menjëherë kërkesa të pabesueshme me qëllim që të sigurojë një lloj suksesi në ukrainë para paradës së 9 majit në Moskë. Një nga këto kërkesa është që trupat e tij të marrin Kryvyi Rih, vendlindjen e presidentit Volodimir Zelenski, sipas një raporti të shefit të shtabit të ushtrisë ukrainase. Por marrja e një qyteti me 1 milionë banorë, përbën një mision thuajse të pamundur për forcat e tij që janë angazhuar në betejat e përgjakshme në frontin lindor dhe besohet se kanë humbur thuajse 25 mijë trupa që nga fillimi i luftës. Kjo vjen ndërsa një ish agjent i KGB që dezertoi në perëndim, tha se anëtarë të qarkut të brendshëm të Putinit, mund të jenë mbajtur në terr për gjendjen e tij fizike. Boris Karpichkov, ish agjent i KGB-së tha për The Sun se putin nuk ishte mirë mendërisht dhe ishte bërë obsesiv nga ide paranojake.