Ndërsa lufta Rusi-Ukrainë ndodhet në vitin e saj të katërt, presidenti rus Vladimir Putin ka sinjalizuar për rritje taksash. Sipas Reuters, qeveria ruse po shqyrton rritjen e taksave, me qëllim mbajtjen nën kontroll të deficitit buxhetor dhe për të ruajtur rezervat. Projektbuxheti pritet të paraqitet në parlament më 29 shtator. Gjatë takimit me krerët e fraksioneve parlamentare, Putin tha se masa të tilla si një taksë luksi ose një taksë më e lartë mbi dividentët e aksioneve mund të jenë "të arsyeshme" gjatë luftës, por presidenti rus nuk përmendi taksa të tjera. Rusia prezantoi një taksë progresive mbi të ardhurat në vitin 2021 dhe rriti normën për personat me të ardhura të larta këtë vit. Putini premtoi se nuk do të ketë ndryshime të mëdha në sistemin tatimor para vitit 2030, pas rritjes së taksave të futura në vitin 2025. Rritjet e mundshme të taksave mund të vijnë me një masë të re, që synon mbrojtjen e buxhetit të shtetit nga luhatjet e çmimit të naftës dhe sanksionet perëndimore që synojnë eksportet ruse të energjisë.